ยินดีต้อนรับคุณ, บุคคลทั่วไป กรุณา เข้าสู่ระบบ หรือ ลงทะเบียน

เข้าสู่ระบบด้วยชื่อผู้ใช้ รหัสผ่าน และระยะเวลาในเซสชั่น
สถิติการใช้งานฟอรั่ม:
จำนวนตอบกระทู้ทั้งหมด: 100,712
จำนวนหัวข้อทั้งหมด: 10,046
จำนวนสมาชิกทั้งหมด: 4,042
หน้า: [1]   ลงล่าง
  พิมพ์  
ผู้เขียน หัวข้อ: ผะหยาหรือผญา  (อ่าน 21805 ครั้ง)
0 สมาชิก และ 1 บุคคลทั่วไป กำลังดูหัวข้อนี้
อู๊ด โคจร
VIP Member
สมาชิกรุ่นบุกเบิก
*****

จิตพิสัย: 146
ออฟไลน์ ออฟไลน์

เพศ: ชาย
กระทู้: 4,195


คนลำ'มาศ พลัดถิ่น (You'll never drunk alone)


« เมื่อ: 07 ตุลาคม 2007 »

น่าสนใจครับ
ไกลกะขอให้ไกล
แต่หน้า ฮั่วไฮ่นาสวน
ไกล กะ ขอไห่ไกล
แต่มวล หมู่เฮื้อนกับเล้า
ส่วนวาจาเว้า สองเฮา อย่าได้ห่าง
ต่างคนแม่นสิอยุ่ต่างบ้าน
ความเว้าอย่าห่างกัน....นางเอ้ย


....โอ้น้อ....บ่าวพี่ชายเอ้ย...
อ่านคำผญาอ้ายหวามหัวใจหลุดหล่อน
ซ่างมาจากปากอ้อนออนซอนเว้าม่วนหู แท้น้อ
พอได้ยลคำเว้าชายกล่าวต้านหวานหวั่น
น้องนี้มีใจมั่นวารวันบ่เปลี่ยนไป๋
.....อ้ายเอ้ย บ่ทันถามข่าวอ้ายบ่าวพี่ชายเป็นได๋แน
ฝากความฮอดอีแม่พ่อเจ้าขอให้เลาสุขซำบาย
ถามข่าวนาข่าวข้าว..เจ้ามีเมียแล้ว หรือบ่
หรือว่ามีแต่ชู้เมียสิซ้อน บ่มีซั่นบ้อ
....อ้ายเอ้ย...เถิงว่าทางสิไกลน้อง
สิคอยคองทุกบาดหย่าง
เถิงสิเป็นชู้ต่างบ้าน
สิมายม้าง บ่ มีดอกพี่เอ้ย.....


.....โอน้อ...พอได่ยินคำเว้า เพิ่นโสผญาสามาม่วน
เห็นแล้วด่วนมาเว้า แม่นกล่าวต้าน บ่หวานหู
น้องนี้เป็นผู้น้อย ต่อยต่ำในคำจา
อย่าถือซาลูกหลานผู้เป็นจารย์เก่งกล้า
....พอเห็น ผญาอ้าย หัวใจนางเป็นอู้วู่
อด บ่ รน ทน บ่ ได้ สิต้าน ตอบผญา ก่อน แหล่ว

..เจ้าผู้มรดกแก้วดวงใสแสนค่า
น้องขอถามข่าวอ้าย พี่ชายแมนผู้ใด
ใจประสงค์ หยังน้อ ลงผญาเว้าอ่อย
นางอยากฮู้ แท้ๆ โปรดจงขานแน ถ่อน อ้ายเอ้ย

.....น้องนี่ เวียนมาพ้อ วนมาเทียวอ่าน
หากว่ามา สุมื้อ มาเทียว เฝ้าอ่านผญาเจ้า แหล่ว
หรือ ว่าติดใจอ้าย ติดผญา กะหากแมน
น้องนั้น มานั่งเฝ้า มาคอย เจ้า จ่ายผญา

เอ...นี่ แมนไผ แท้ เขียนผญา มา คือ ม่วน แท้ น้อ
คือสิหล่อ กะด้อ ผญาเจ้า แห่ง ม่วนหลาย
เจ้าจงโปรดจาต้าน วานบอก แน่เด้ออ้าย
ว่าชายมาแต่ทางใด บอกนาง แน่ เด
เฮือนหอห้อง ทาง ใด บอก แน่
หาก ผ่านไป สิแวะเยี่ยม ตางลึ่งแก่นกัน


เสี่ยวเอ้ยเสี่ยว.... เห็นผญาบ่ได้โลดแวใส่เลยน้อ
ปานคันไถเห็นตอ แวใส่จนเพฮ้าง
เห็นผู้บ่าวไขอ้างคำผญาเพิ่นว่าม่วน
ใจผะอวนดอกซ้อน สิแดดิ้นรึจั่งได๋



โอ้น้อ "น้องดอกซ้อน" ซอนดอกสะเลเต
กกบ่เซปลายบ่เนิง
สะมาให่อ้ายคึดนำแท้น้อ
อ้ายนี่บ้านอยู่ก้ำ มีนบุรี ดินดำ น้ำซุ่ม
เฮือนอ้ายนี่อยู่ลุ่ม ฝนตกมา
ปลาขึ้นเล้า มาอุกอังเอ้า อยู่ผู่เดียว
คั้นนาง อยากมา หาบ่อนเลี้ยว
เทียวทางตาง มาแว่
สิเห็นพ่อใหญ่แก่ แก่
นั่งอยู่ข้างเล้า ให้นางเว้าจาขาน
"น้องดอกซ้อน"เอ้ย
ไห่นางถามหาอ้ายผู่พี่ชายเผิ่นอาภัพ
สิสะดับเรื่องเว้าประวัติอ้ายไห่เผิ่นฟัง
อั่นว่าบริษัทต่างประเทศนั่น
ที่อ้ายเฮ็ดงาน
..โอ่น่อ น้องเอ่ย
อ้ายนี่บู๋ด้นดั่นข่วมท่งอีสาน
เทียวมาหางานทำอยู่เมืองหลวงกว้ง
มาได้หลายขวบมื้อ
ตนโตบ่มีคู่ บ่มีผู่อยู่ซ้อน
นอนร่วมฮ่วมเคียง
เปรียบจั่ง ตาลปลายด้วน
งอยโพน อยู่กลางโท่ง
ว่ากะบ่เหลือ เครือกะบ่เกี้ยว
โทน โท่ อยู่แต่ลำ
..ว่าสิถามข่าวอ้อย
ปล้องถี่ลำงาม
มีเครือหงามเกี่ยวพัน
หรือยังน้อง
..ตนว่าโตของอ้าย
มีนามว่า "บักหำน้อย"
พ่อแม่เพิ่นพาเอิ้นโตเจ้าไห่จื่อเอา
..อันว่าควมผญาขอย
คือบักหอยนาตำคราด
มันบ่สมสำเจ้า
ผู่รวยล่ำคำผญา
อ้ายนี่เปรียบดั่งไก่ผู่น้อย
พอตะแก่เฮียนขัน
ตบปีกขึ้นตนโต
กะยังอ่อน ปากบ่ทัน
แก่กล้าจาเว้าบ่ค่อยเป็น...ดอกซ้อนเอ้ย


เชื้อซาดแฮง อย่าเห็นสาปกุยกัย
เกิดเป็นคนอีสาน ให้ฮักแพงกันไว่
สามัคคีกันไว่ คือเข่าเหนียวนึ่งใหม่
อย่าสิให้เพแตกม้าง คือน้ำถืกเข่าเหนียว


สุดสะแนนเสียงแคนห่าวเสียงยาวๆจ้าวลงท่ง....
งัวขึ้นภูลัดโค้งลงลายน้อยอ่อยนาง...
ทางแม่ฮ้างเลี้ยงลูกน้อยผูกอู่อยู่เทิงเถียง
พ่อมันหนีไปเวียงเลี้ยงบักหำซามลาวโค้ง...
ยามลงนามาเถิงแล้วบ่อเห็นแล้วพ่อบักห่า...
มีควายตู้ขี้ตาเอามาไถวานเข้าบาดได๋เจ้าสิต่าวคืน..




๑.มองเห็นผักอีตู่ (แมงรัก) ก็ว่า "เจ้าผู้ผักอีตู่เตี้ยต้นต่ำใบดก กกบ่ทันฝังแน่นสังมาจีจูมดอก ฮากบ่ทันหยั่งพื้น สั่งมาปี้นป่งใบ"
๒. มองเห็นช้างก็ว่า เจ้าผู้แนวนามช้างสัตว์สูงบ่ห่อนต่ำ บ่คือเชื้อไก่กุ้มหางสั้นบ่ห่อนยาว
๓.มองเห็นฝูงหงส์ก็ว่า เจ้าผู้หงส์คำผ่ายเวหาเหินเฆม กาดำขเหนียวน้อมนำกัน ว่าจั่งได๋
๔.มองขึ้นฟ้าก็ว่า คันเจ้าคึดฮอดข่อยให้เหลียวเบิ่งเดือนดาว ขอให้สายตาเฮากล่อมกันอยู่เทิงฟ้า
๕.มองเห็นควายก็ว่า อย่าสิติ๋ว่าควายนักเลฮ้ายปักตูสวนบ่ออัดฮี่หลายเด๋อ ให้เจ้าตีแมงหมี่ฮ้ายตีนสิ่นเจ้าบ่เหลียว นั่นถ่อน
๖. มองเห็นงูก็ว่า เจ้าผู้งูสิงเสื่อนอนเฟือยในซุ่ง คันแม่นเข้าซุ่งแล้านอนนิ่งอยู่บ่ติง แท้น่อ ฯลฯ
ตั้งแต่นั้นมา เมื่อท้าวปางคำปราชญ์ใหญ่แต่งคำกลอนในเนื้อหานิทาน พอไปถึงตอนพ่อสอนลูกเป็นต้น ก็ให้เชียงน้อยแต่ง พอไปถึงบ่าวสาวในนิทานเกี้ยวกัน ก็ให้เชียงน้อยแต่ง ดังนั้น เชียงน้อยท่านนี้ จึงได้เป็นนักปราชญ์ร่วมสมัยกับท้างปางคำ ความเป็นมาของผญา ก็มีมาด้วยประการฉะนี้
๑. เกลี้ยงแต่นอก ทางในเป็นหมากเดื่อ หวานแต่ทางนอกเนื้อในส้มดังหมากนาว แท้นอ
๒. เกลี้ยงแต่นอก ทางในยังดำมืด นี่ละนอเผิ่นว่าเกลี้ยงปากบั้ง ขังข้อปากกระทอ ๒
๓. เกลี้ยงแต่ปากเจ้าเว้า ใจเจ้าเล่าโงคด ใจขดไปโงมา เปรียบดังงูลอยน้ำ
๔. เกลี้ยงแต่ยามอยากได้ ความใด๋ดีเอามาว่า บาดห่าได้ข่อยแล้ว มีม้าย่านขี่หนี โลดเด่
๕. เกลี้ยงแต่ปากความตั๋วแต็มกระต่า บาดห่าจับได้แล้ว สิขายหน้าท่อกระเฌอ นี่เด
๖. เกลี้ยงแต่ความปากเว้าว่า หัวใจกะแปนเปล่า บาดห่าเปิดเบิ่งแล้ว ดงช้างกะบ่ปาน
๑. ไกลขอให้ไกลแต่บ้านฮั้วไฮ่นาสวน ไกลขอให้ไกลแต่มลหมู่เฮือนกับเล้า ส่วนว่าวาจาเว้าสองคนเฮาอย่าได้ห่าง ต่างคนแม่นสิอยู่ต่างบ้าน ความเว้าอย่าห่างกัน
๒. ไกลขอให้ไกลแต่หน้าสิไปมาบ่ให้ห่าง ส่วนจิตข่อยกะอยู่ผี้ ใจข่อยกะอยู่นี่ สิไปพุ้นแต่ฮ่างคิ่ง๑
๓. ไกลกายเจ้าใจกะอยู่นำนาง บ่มีทางไกลกัน ให้พรากหนีไกลข้าง แม่นสิอยู่ฟากฟ้าสิหย่อ ๒เป็นแผ่นดินเดียว ความสิบคืนซาวคืน๓สิหย่อเป็นคราวมื้อ๔ คันความมักมันคือข้าวสิขอกินให้มันอิ่ม คันความมักความฮักคือน้ำบ่อแก้วสิลงล้างอาบสรง น้องเอย
๔. ไกลมื้อนี้มื้ออื่นสิมาหา คันแม่นชีวายัง สิหมั่นมาหาเจ้า
๕.ไกลไปหน้าบ่มีวันสิมาจวบ มื้อสืบมื้อไปหน้าผัดแห่งไกล
๖.ไกลไปหน้าบ่คืนมาของเก่า เฮ็ดผิดกะแม่นเจ้า เว้าบ่ฟังกะแม่นเจ้า อยากเห็นข่อยให้เบิ่งหมอน อ้ายเอย
๑. เกลี้ยงฮอดในใสฮอดกระดูก เกลี้ยงฮอดลูกอ่อนน้อยหลานสิห้อยกะบ่มี
๒. เกลี้ยงฮอดหลอด ปลอดอ้อยซ้อย เสมอดังตองตัด ผัดแต่เป็นบ่าวมากะบ่มีเมียซ้อน ผัดแต่เป็นกอขึ้นบ่มีเครือสิเกี้ยวอุ่ม3 ผัดแต่เป็นพุ่มไม้เครือสิเกี้ยวกะบ่มี
๓. เกลี้ยงฮอดในใสฮอดกระดูก เกลี้ยงฮอดข้างปลูกฮอดข้างปัดลาน
๔. เกลี้ยงฮอดไส้ ใสออกมาจนเถิงปาก ชู้กะเจ้า เมียกะเจ้าสิไปเฮี่ยง4ใส่ผู้ใด๋
๕. เกลี้ยฮอดใจใสเหมิดลิ้น เว้าความใด๋มีแต่แม่น เปิดเบิ่งแล้วดังแก้วกะบ่ปาน
๖. เกลี้ยงฮอดบ้านเฮือนซานกะแนปเปล่า มีแต่บ่อนสิให้เจ้ามาซ้นฮ่มเงา
๑. ข่อยนี้คือดั่งจอกอยู่น้ำฮากหยั่งบ่เถิงดิน ไหลเวินไปวนมากะบ่มีเฟือยค้าง
คันแม่นไหลไปค้างเฟือยลุ่มเผินกะถาง คันแม่นไหลไปค้างเฟือยบางเผินกะถาก ว่าสิขอฝากเจ้าให้เอาข่อยเข้าฮ่วมนอน แน่เด๋อ
๒. ข่อยนี้คือดั่งบัวหวังน้ำสิไปนำเท่าชั่ว คันแม่นน้ำแก่งขึ้นบัวสิยื้อยึดนำ นั่นแหล่ว
๓. ข่อยนี้คือบัวขี้แบ้สิมาเกิดกลางหนอง คือบัวทองสิมาเกิดกลางสา บ้านเก่าเฮาเคยหยั้ง
คันบ่อเลิกสิมาตื้น บ่อเคยเขินสิเป็นฮ่อง คันมันเป็นจั๋งซั่น บัวสิยื้อหยั่งเถิง ได้บอ
๔. ข่อยนี้คือดั่งไชหลังหล้าบ่หมาน ปลานำเผิ่น ถืกกะใส่ค้างไว้ บ่ถืก กะใส่ค้างไว้
ตามแต่กะเยิมปลา คันบ่กูนาผายสิหล่ำดูดายดู้
๕. ข่อยนี้คือจั่งไก่ผู้น้อยพอแต่ก่เฮียนขัน ตบปีกขึ้นตนโต กะยังอ่อน ปากบ่ทันแก่กล้าจาเจ้ากะบ่เป็น
๖. ข่อยนี้ คือดั่งพลูลามค้างปลายซานเหี่ยวแดด คันบ่ตักน้ำพรม คันบ่อมน้ำพูด พลูสิแห้งเหี่ยวตาย
๗. ข่อยนี้คนขี้ฮ้ายสิลี้อยู่คือกบ เห็นคนมาป๋อมปิแล๋มลงน้ำ
๘. ข่อยนี้คือดั่งปลาเข็งข่อนหนองนาน้ำเขินขาด คันแม่นฝนบ่มาหยาดให้ สิตายแล้งแดดเผา เจ้าเอย
๙. ข่อยนี้ คนจนไฮ้คนเกกลางกาด คือดั่งฝากระตาดฮ้าง กลางบ้านเกลือกขี้ดิน นั่นแหล่ว
๑๐. ข่อยนี้คือดั่งซื้อชาติแฮ้งเหม็นสาบกุยผง บ่แม่นแนวหงส์ดำสิห่อนเทียมพระจันทร์ได้
๑๑. ข่อยนี้ คือดั่งนกเจ่าดั้งงอยฝั่งจอบปลา เห็นปลามาอยากกินแด๋ดิ้น นกกระเต็นเต้นโตนลงเอาก่อน นกกระเจ่านั่นแลจ้องล่ำดาย นกกระเต็นนั่นคือชายชู้เก่า นกกระเจ่านั่นคืออ้ายผู้พลอย
๑๒. ข่อยนี้คนขี้ฮ้ายคือเฮือแตกยาขี้ชี ยาทางหัวฮั่วลงทางท้าย คันสิใช้ให้ยาดีอย่าให้ฮั่ว ข้ามแม่น้ำทะเลกว้างกะปลอดภัย
๑๓. ข่อยนี้คือดั่วแนวนามเชื้อเดียรัจฉานชาติต่ำ มันบ่สมเผ่าผู้หอยกว้างอยู่ทะเล ซ้วนไว้แน่หอยกว้างแม่ทะเล หอยทะเลบ่ซ้วนสิกวนควายใต้ตะหล่าง หอยทะเลบ่ซ้วนสิกวนบ้านบ่ให้นอน
๑๔. ข่อยนี้บ่ได้โสดาด้วย นำกระบวยหมากพร้ายแก่ หมากพร้าวอ่อนมีบแพ้สิฟันเรื่อยเกื่อยลง
๑. คองคอยเจ้าคอยหลายจนว่าเบื่อ ความเว้าว่าปีนี้ บาดเถิงแล้วว่าปีฮือ
๒. คองคอยท่าผีตายบ่กลับมาเกิดดอก ให้เจ้าหาใหม่ซ้อนซอนไว้ดังกาบ ปลี นั่นแหม
๓. คองคอยเจ้า จนเหมิดเขตพรรษา ว่าสิสิกออกมาผัดว่าคากฐินทอด เหมิดกฐินแล้วกะยังเฉยอยู่คือเก่า สิให้คอยฮอดเฒ่า เซาแล้วข่อยบ่คอย
๔. คอยอยู่ไฮ่เจ้ากะบ่มา คอยอยู่นาเจ้ากะบ่ท่อง คอยอยู่ห้องค่ำแล้ว ย่านบ่เห็น
๕. คองคอยเจ้า จนเข้าใหม่มาเถิง คองคอยเหิงจนข้าวปลานาแล้ว แนวนามเจ้าคนตายตั๋วง่าย ข่อยขอเซาเจ้าไว้สิไปเว้าบ่าวเซียง
๖. คองคอยเจ้า อยู่หัวนาของเก่า นกเขาขันกระแตดแต้แจนแวนฮ้องแห่งคึดหลาย
๗. คองคอยเจ้า คือกบเขียดคอยฝน คือคนจนคอยรวยย่านแต่ตายบ่เห็นซ้ำ
๑. คันเจ้ามีสองแล้ว อย่าลืมแพป้องไม้ไผ่ คันเจ้ามีใหม่แล้ว อย่าลืมแหล่หมากไข่กา
๒. คันเจ้ามีชู้แล้ว อย่าลืมชายผู้ถามไถ่ คันเจ้ามีใหม่แล้วอย่าลืมข่อยผู้พลอย
๓. คันเจ้าเป็นพระยาแล้ว อย่าลืมไพร่เสนา บาดห่าสงครามมา สิงเพิ่งคนทั้งค่าย นั่นเด
๔. คันเจ้าได้กินข้าวให้ฝากไปนำกา คันเจ้าได้กินปลาให้ฝากไปนำแฮ้ง คันเจ้ากินซี้นแห้ง ให้เจ้าแกว่งนำลม แด่เนอ
๕. คันเจ้าเนาเฮือนห้าง ให้เหลียวลงทางลุ่มแด่เนอ ลางเทื่อลมพัดยู้ สิไปซ้นฮ่มฮัง บ่ฮู้
๖. คันเจ้าได้ขี่ช้างกั้งฮ่มเป็นพระยา เจ้าอย่าลืมเสนาผู้แห่นำตีนช้าง
๗. คันเจ้ามีผู้เฝ้า อย่าลืมชายผู้นั่งล่าง คันเจ้ามีคู่สร้าง อย่าลืมอ้ายผู้ฮักแพง เจ้าเด๋อ
๘. คันเจ้าเว้าจั๋งซั่น กะให้แม่นคำสา คันแม่นซาตามีสิใหญ่สูงคือเจ้า ดอกตี้
๙. คันเจ้ากินเนื้อแล้ว กะให้ห่วงคุณหมา แด่เน้อ บาดห่าโจรมันมา สิเพิ่งหมาดำน้อย อยู่เด๊
๑๐. คันเจ้ากินปลาแล้ว อย่าลืมเอาแหตาก บาดห่าแหขาดแล้ว ปลาสิได้ฮ่อมใด๋
๑๑. คันเจ้าได้กินข้าว อย่าลืมควายผู้ไถคราด บาดควายเฮ็ดบ่ได้ คนสิไห้ต่อควาย
๑๒. คันเจ้าเฮ็ดนาแล้ว ควานปักแถวเจ้าอย่าฆ่ามันเด๋อ ลางเมื่อเจ้าคิดได้ มันคือฆ่าพ่อคน บ่ฮู้
๑๓. คันเจ้าหนี้ไปแล้ว กกมิ่งไผสิแทน กกแนนไผสิเฝ้า เฮือนเฮาไผสิอยู่ ไผสิเป็นหมู่ข่อยยามเจ้าจากหนี
๑๔. คันเขาหนีไปแล้ว กกมิ่งอ้ายสิแทน กกแนนอ้ายสิเฝ้า เฮือนของเฮาอ้ายสิอยู่ คนสิเป็นคู่น้องเฮือนนี้แม่นพี่ชาย นี้แหล่ว (จีบสาวแม่ฮ้าง-ม่าย)
๑๕. คันเจ้าไปบวชแล้วข่อยอยู่กับไผ ใจหนอใจกะช่างดำคือ หมื่อ
๑๖. คันเจ้าไปบวชแล้ว น้องกะอยู่กับฮา นี่แหล่ว แนวใด๋มีให้ค่อยจากับอ้าย (จีบสาวแม่ฮ้างผัวป๋าไปบวช)
๑๗. คันเจ้าสิตายก็ให้ตายไปถ่อน ตายไปเป็นกระต่ายข่อยสิตายเป็นหน่างก้อมๆ นำอ้อมอยู่สู่ดอน
๑๘. คันเจ้าตายเป็นขมิ้นหัวดงชน ข่อยสินำไปก่น เกิดเป็นคนคันบ่ได้กล่อมกลิ้ง ตายเป็นขมิ้นยังสิได้กล่อมคิง
๑๙. คันเจ้าเป็นงูเภากะบาฮ้าย ประสงค์หาเผลียงผ่า ข่อยสิฟันท่อนนั้นท่อนนี้ กระเด็นกลิ้งทั่วดิน
๒๐. คันเจ้ามีฮั้วขั้น สามพันตาไม้ไผ่ป่า ว่าสิเอาอีโต้ถางหม่นก่นหา
๒๑. คันเจ้าเป็นดั่งฟ้าฟาดขั้นแสนโหง่น ระงำดินกะตามถ่อน ข่อยเป็นเมฆาเลื่อนไหลไปหาเจ้า
๒๒. คันเจ้าเอาภูผาขั้นเหวซันตันซ่อง ข่อยสิติดปีกเหลื้องมากินข้าวฮ่วมงาย
๒๓. คันเจ้าล้อมฮั้วขั้น จิกแก่นเลียนลำ คันเอาหนามปกเทิง ข่อยสิลงทางใต้
คันแม่นไปบ่ได้เหล็กกวงกวยสิลงก่วย คันแม่นกวยบ่แตก สิเชิญฟ้าผ่าลง
๒๔. คันเจ้าไขทางให้ ขอนเต็มวังสิโตนผ่าฝูงหมู่เงือกและแข้สิกินข่อยกะบ่แหนง
สอย สอย นกแทดแต่บินข้ามปลายดู่
ครู เอา ครู เป็นหนี้สหกรณ์...
ราษฎร เอา ราษฎร เป็นหนี้ ธ.ก.ส.
บัดห่า หมอ เอา หมอ ละมีแต่แท่ง กับแท่งงงง!!!!!!!..
บันทึกการเข้า

คนอีสานบ่ลืมถิ่น กินข้าวเหนียวใช้มือ
เด็กบางมด
[ HS4PMH ]
VIP Member
สมาชิกรุ่นบุกเบิก
*****

จิตพิสัย: 51
ออฟไลน์ ออฟไลน์

เพศ: ชาย
กระทู้: 1,648

วิศวะพอกะเทิน


« ตอบ #1 เมื่อ: 07 ตุลาคม 2007 »

อ้าว ผญา  นี่ไม่ได้แปลว่า

"ผ้าที่ยังไม่ได้รีด"  เหรอครับ

55555++

(ผ่าหยา)

บันทึกการเข้า

ออนซอน ออนซอน รักและศรัทธา ความรักมิเคยร้างลา งดงามหนักหนาเป็นตาสะออน
อยู่ไกลแค่ไหนก็ไม่หวั่นไหวไม่เคยสั่นคลอน มิตรภาพแห่งบ้านออนซอนมิเคยร้าวรอนจากใจ
อู๊ด โคจร
VIP Member
สมาชิกรุ่นบุกเบิก
*****

จิตพิสัย: 146
ออฟไลน์ ออฟไลน์

เพศ: ชาย
กระทู้: 4,195


คนลำ'มาศ พลัดถิ่น (You'll never drunk alone)


« ตอบ #2 เมื่อ: 08 ตุลาคม 2007 »

ต่อไปนี้เป็น" โสลกผู้หญิงที่ดี " ที่ควรเลือกไว้เป้นคู่ครอง ซึ่งปราชญ์โบราณชาวอิสานได้กำหนดไว้หลายประการดังนี้

1) ญิงใด๋หน่าแซ่มซ้อย ฮูปฮ่างเบาบาง
เลาคีงงามส่วยเทิงเมือหน้า
แขนขนพร้องแอวกลมสมส่วน
เนื้ออ่อนอ้วนผิวหน้าผ่องใส
ยามเมือลีลาย้ายกวยแขนนวยนาด
เหลียวเบิ่งวางวาดใว้นางน้อยค่อยไป
ญิงแนวนี่ถืกโสลกหลายปะกาน
ควนจักเป็นนางคาน แม่เมืองจิงแท้...

คำแปล หญิงไดมีหน้าตาสดสวย มีรูปร่างเอวกลมสมส่วน มีแขนขากลมกลึง มีผิวพรรณผ่องใส เวลาเดินก็สงบเสงี่ยม เป็นหญิงดีถูกโฉลก สมควรได้มาเป็นแม่บ้านและแม่เมือง

2) ญิงได๋ขาวเหลืองเพี้ยง กัดทะนีก้วยบ่ม
แสงตาใสสิ่งแก้วโตส่วยก่อมผิว
เนื้อฮาบเกี้ยงนมตุ่มเต็มงาม
เลาคีงนางเกิ่งกันกมเกี้ยง
ก้อบ่สูงบ่ต่ำแท้สมส่วนพอดี
มีแต่พองาม ๆ สู่อันทั้งนั้น
ญิงอย่างนี้เป็นเอกนางขุน
ซายได๋มีบุนหลาย จั่งได้หลอนหลงพ้อ...

คำแปล หญิงใดมีผิวขาวเหลืองดั่งผิวกล้วยสุก มีดวงตาสดใสดั่งแก้ว มีผิวพรรณเกลี้ยงเกลา มีถันทั้งสองข้างตูมเต่งตึงมีรูปร่างกลมเกลี้ยง มีความสูงต่ำพอดี ( ไม่สูงเกินไปและเตี้ยเกินไป ) ทุกสัดส่วนดูดีไปทั้งร่าง ชายใดได้หญิงเช่นนี้ เป็นคู่ครองนับว่าเป็นบุญของชายคนนั้น เพราะหญิงเช่นนี้จะใม่มีชีวิตตกต่ำ

3 ) ญิงได๋ เอเลท้อง พุงหลาวอุ้มบาด
โสมฮูบฮ้าย บุนเจ้าหากมี
ญิงอย่างนี้ซับมากเหลือหลาย
เงินคำนับโกดกือ กองล้น
ไผหลงพ้อ โอมเอาซ้อนเสื่อ
ก้อ เพื่อบุนก่อส่างหลังพู้นส่งนำ...

คำแปล หญิงใดมีพุงพลุ้ยเหมือนพระอุ้มบาตร ถึงแม้นางจะมีรูปร่างไม่สวย แต่เป็นคนมีบุญ และจะมีทรัพย์สินเงินทองมากเป็นล้านๆ ใครได้หญิงเช่นนี้มาเป็นภริยาก็เพราะมีบุญที่เคยสร้างสมไว้แต่เก่าก่อน

4 ) ญิงได๋ เสินเพินพ้นกมแกนหน้าเน่ง
เนื้ออ่อนอ้วนกมส่วยสิ่งเหลา
ยามเมื่อยกย่างย้ายถกบาดตีนเบา
คิงกมงามปูนปานเขียนไว้
ญิงอย่งนี้ ซับมากล้น แก้วแก่นเงินคำ
มูลมังหลายบ่มีเคืองแค้น
ควานจักเป้นจอมเจ้าเทวีองค์เอก
เทียมแทบเท้าทงส่างสืบเมืองแท้แหล่ว...

คำแปล หญิงใดมีใบหน้ากลมมนเวลาเดินก็ค่อยๆ เดินอย่างสงบเสงี่ยมมีรูปร่างสวยงามปานประหนึ่งรูปเขียน ผู้หญิงเช่นนี้จะมีทรัพย์สินเงินทองมากมาย มีมรดกมากหลายไม่มีวันอด หญิงเช่นนี้สมควรจะได้เป็นคู่ครองของผู้ปกครองบ้านเมือง

5 ) ญิงได๋ เว้าจ้อยๆ เสียงอ่อนเสาะใส
คนซงบางส่วย หัวทังท้าย
กกเล็บซ้ำปายเล็บมีเซน
ลายมือหลายขึ้นไปเถิงข้อ
มีติดต่อทั้งขอดก้นหอย
ญิงฮูบนี้มีทรัพย์เหลือหลาย
ทั้งพายสานหมู่งัวอวัยวะเพศชายซ้าง
ควนเป็นนางไท้เทวีองเอก
ฝูงหมู่ยดต่ำต้อยบ่ควนให้ฮ่วมเฮียง...

คำแปล หญิงใดพูดไพเราะเสียงสอใส เอาบางร่างเล็ก มีลายเส้นมือมากมายต่อเนื่องกันไปถึงปลายนิ้วมีลายก้นหอย ผู้หญิงเช่นนี้เป็นหญิงจะมีทรัพย์สินมากมาย ทั้งวัวควายช้าง ควรที่จะนำมาเป็นศรีภริยา และไม่ควรเลือกชายต่ำต้อยมาเป้นคู่ครอง

6 ) ญิงใด๋สมพาวเพี้ยง สีจัน เกี้ยงอ่อน
ฮูบฮ่างน้อย บางส่วย ดั่งเหลา
ตีนมือนั่น ขาวงามใสส่อง
ผมเกดเก้าดำเหลื่อมค่องคือ
ก้อบ่สูงบ่ต่ำแท้ ทุกส่วนดำขาว
มีแต่พองามๆ สุอันทั้งนั้น
ญิงฮูบนี่ดียิ่งนักหนา สมพานมีต่อไปพายหน้า...

คำแปล หญิงใดมีผิวผ่องพรรณดังพระจันทร์ มีรูปร่างเอวบางกลมกลึ่งดังเหลา มีมือตีนขาวงามใสส่อง มีผมดำเป็นมันขลับ รูปร่างทุกส่วนล้วนงดงามทั้งนั้น ไม่สูงไม่ต่ำไม่ดำไม่ขาว ผู้หญิงเช่นนี้เป็นหญิงดี มีความสมบูรณ์พูนสุขในภายภาคหน้า

7 ) ญิงได๋ ขาวเหลืองเพื้ยงบางตองเนื้อค่อง
ผมเส้นน้อยดำปี้อ่อนนวน
แขนขานั้นยาวหลายแพนอ่อน
ญิงฮูบนี้นี้ซับมากล้นเสดถีเจ้าก้อบ่ปาน...

คำแปล หญิงไดมีผิวพรรณขาวเหลือง มีรูปร่างผอมบาง มีเส้นผมดำอ่อนสลวย มีแขนขายาวกลมอ่อน ผู้หญิงเช่นนี้จะเป็นผู้มีทรัพย์สินมาก เศรษฐีทั้งหลายก็มีเงินทองสู้ไม่ได้

8 ) ญิงได๋ เมื่อสิปากก่าวต้านหัวก่อนบุนมี
เสียงหวานใส สู่คนฟังได้
ญิงฮูบนี้ฮับแขกหัวเมือง
คันแม่นมีกานขัด เพิ่งไปพายหน้า
ให้ใซ้ญิงอย่างนี้ ไปแก้หากหายแท้แหล่ว

คำแปล หญิงใดยิ้มแย้มก่อนจะพูดจาทุกครั้ง และมีเสียงใสพูดจาอ่อนหวานกับทุกคน ผู้หญิงเช่นนี้เป็นคนมีบุญ และควรแต่งตั้งให้เป็นคนต้อนรับแขกบ้านแขกเมือง หรือถ้ามีขัอขัดข้องในเรื่องใดๆ ก็ให้ใช้หญิงเช่นนี้ไปแก้ไขได้

9) ญิงได๋เปิ่งเซิงหน้า คือไฟบั้งหมื่น
ฮูปฮ่างนั้นโตสั้นไหล่บาน
บ่ซ่างปากก่าวต้านคำหยาบหยามหู
ฮู้จักมีคำอด ต่อคนทั่งค่าย
ญิงฮูปนี่นี้ใจสะหลาดแท้ ฮู้ฮีดคองขุน
ควนให้เป้นนางกวานสืบแทนความเว้า

คำแปล หญิงที่มีใบหน้ากว้างใหญ่ มีรูปร่างสั้นไหล่ผายเป็นคนไม่ช่างพูด โดยเฉพราะคำหยาบคายและเป้นคนที่มีน้ำอดน้ำทน
หญิงเช่นนี้เป็นผู้หญิงที่ฉลาดรอบรู้ในเรื่องจารีตประเพณี กฏหมาย ควรที่จะได้เป็นผู้บริหารหน่วยงานต่างๆ

10) ญิงได๋เนื้อแจบแน่นลายพาดเบนโต
ตีนมืองามตอบกันกมเกี้ยง
สมพาวเพี้ยงพองามสูงต่ำ
ผมเกดเก้าดำเหลื่อมดังเทา
ญิงนี้มีบุนแท้ ควนเอาซ้อนเสื่อ
เพิ่นว่าเป็นผู้ฮู้สอนได้เชื่อฟัง ...แท้แหล่ว

คำแปล หญิงใดผิวเนื้อเนียนแนบแน่น มีมือเท้ากลมเกลี้ยงงามสมส่วน ไม่สูงไม่ต่ำ มีเส้นผมดำสลวยเป็นเงางามดั่งเทา
หญิงเช่นนี้เป็นคนมีบุญควรหามาเป็นภริยา เพราะว่าเป็นคนว่านอนสอนง่าย


เมื่อได้รู้จักโสลก (โฉลก ) หญิงดี หญิงชั่วแล้ว มาดูโสลกชายดีกันครับ ลองพิจารณา ดูว่าคนเคียงข้างเรา และคนที่เราจะเอามาเคียงข้าง เป็นเช่นนี้หรือเปล่า .

1) ซายได๋ ขาวเหลืองเพี้ยง ผิวนวนๆ ดอกอื๋ออ่อน ญิงได๋ ได้อยู่ซ่อนปานกั้งฮ่มเขียว เจ้าเอย

คำแปล ชายไดมีผิวพรรณขาวเหลืองเหมือนดอกฟักทองอ่อนๆ หญิงได้ชายเช่นนี้มาเป็นสามี จะมีแต่ความสุข ความร่มเย้นประหนึ่งกางร่มเขียว...


2) ซายได๋ แดงดำสิ่ว ผิวกาเนื้อก่ำ ๆ ชายนี้บุนมากล้น เหลือล้ำลื่นคน แท่แหล่ว...

คนแปล ชายไดมีผิวเนื้อดำแดง เป็นผู้มีบุญมาก..


3) ซายได๋ โสมพาวเพี้ยง ขาวแดงตองอ่อน
เนื้ออ่อนอ้วน ปานฝ้ายดีดผง
ญิงได๋ ได้อยู่ซ้อน สุกยิ่งนักหนา
คนในโลกา บ่เปียบปูนปานได้...

คำแปล ชายไดมีผิวพรรณขาวแดง และมีเนื้อเนียนนวลดั่งปุยฝ้าย หญิงใดได้ไปเป็นสามีจะมีความสุขกว่าใครๆ ในโลก.


4) ซายได๋ ลุกย่างย้าย กวยแขนสวกกายโต
ซงงามสวยกวยโต เมือหน้า
ญิงได๋ได้อยู่ซ้อน ทิบพะอาดผะหลาหลาย
เงินคำนับ อะเนกนองเหลือล้น..

คำแปล ชายใดเวลาเดินสง่างาม แกว่งแขนไปข้างหน้าอย่างสม่ำเสมอ หญิงใดได้ชายเช่นนี้เป็นสามี จะมั่งมีเงินทองมากมาย.


5) ซายได๋ หูกมส่วย ดังคนหน้าเหน่ง
ซายฮูบนี่เป็นบาดแท้ ผหลาล้ำโลกลือ แท่แหล่ว...

คำแปล ชายใดมีใบหูกลมและเรียวยาว มีจมูกโด่ง
ชายเช่นนี้เป้นผู้รอบรู้หรือเป็นนักปราชญ์ที่มีชื่อเสียง


6) ซายได๋ เนื้ออ่อน เกี้ยงปากม่วนหัวงาม
แม่นสิทำกานขุน ก็ฮุ่งเฮืองเมือหน้า
ญิงได๋ใด้ซำบายใจ ซมซื่น
ยู่ท่างทงสืบส้าง เฮือนเหย้าอยู่เย็น...


คำแปล ชายใด มีผิวเนื้อละเอียดเกลี้ยงเกลา พูดจาอ่อนหวาน
มีหน้าตายิ้มแย้มแจ่มใส ชายเช่นนี้ ถ้ารับราชการจะเจริญรุ่งเรือง
หญิงใดได้ชายเช่นนี้เป็นสามีจะมีแต่ความสุขสบาย





7) ซายได๋เอเลท้อง ขาวพองเนื้อซุ่ม
ซายนั้นบุนมากุ้ม กวมพื้นแผ่นดิน แท้แหล่ว...

คำแปล ชายใดรูปร่างท้วมพุงใหญ่ผิวขาวเนื้อนุ่ม
ชายเช่นนั้นเป็นคนมีบุญมาก


Cool ซายได๋ดำแดงเนื้อ แอวกมคิ้งก่อง
ซายนั้นฝูงพี่น้อง คอยย้อง เพิ่งบุน
ญิงได๋ได้เป็นขุนเจ้าหมู่แท้แหล่ว
ซายนั้นใจสะหลาดล้ำ เฮียนฮู้สู่อัน เจ้าเอย...

คำแปล ชายใดมีผิวเนื้อดำแดง รูปร่างเอวกลม
คิ้งโก่ง ชายเช่นนี้จะได้เป็นข้าราชการชั้นผู้ใหญ่
มีสติปัญญาเฉลียวฉลาด และจะเป้นที่พึ่งพาของญาติพี่น้อง


9) ซายได๋ ออดหลอดเนื้อเกี้ยงก่ำดำดี
ยามเมื่อพาทีจา อ่อนหูดีด้อย
ญิงได๋ได้อยู่ซ้อน ซำบายใจสู่สิ่ง
อีกทั้งลุ ลาบได้ของเข้ามั่งมี เจ้าเอย...

คำแปล ชายใดมีผิวดำเนื้อเนียนแนบแน่น
พูดจาอ่อนหวาน สุภาพเรียบร้อย
หากหญิงใดได้ชายเช่นนี้เป็นสามี จะมั่งมีศรีสุข


10) ซายได๋ ปากก้าง ๆ สบหนวดมีเคา
ซายนี้ทำกานจบ ซุ่มเย็นเมือหน้า แท่แหล่ว...

คำแปล ชายใดปากกว้าง ริมฝีปากมีหนวดและเคราดก
ชายเช่นนี้แม้นจะทำการใดก็จะได้รับความสำเร็จ และอยู่เย็นเป็นสุข
บันทึกการเข้า

คนอีสานบ่ลืมถิ่น กินข้าวเหนียวใช้มือ
ออนซอน
หนุ่มเมืองดอกบัว..อุบลราชธานี
Administrator
สมาชิกรุ่นบุกเบิก
*****

จิตพิสัย: 166
ออฟไลน์ ออฟไลน์

เพศ: ชาย
กระทู้: 5,502


:-:-: Webmaster :-:-:


« ตอบ #3 เมื่อ: 08 ตุลาคม 2007 »

 Afro  Afro  Afro
บันทึกการเข้า

หนุ่มอีสาน...ลูกหลานเมืองดอกบัว..อุบลราชธานี
หนุ่มนากระแซง
VIP Member
สมาชิกรุ่นบุกเบิก
*****

จิตพิสัย: 246
ออฟไลน์ ออฟไลน์

เพศ: ชาย
กระทู้: 6,788



« ตอบ #4 เมื่อ: 09 ตุลาคม 2007 »

  พักหลังตาอู๊ดคงว่างช่างสรรหาอะไรมาให้เราอ่าน แบบนี้มันต้อง  Beer  Drunk
บันทึกการเข้า
กะปอม
บ้านดอนซาวด์
Jr. Member
**

จิตพิสัย: 0
ออฟไลน์ ออฟไลน์

กระทู้: 84


« ตอบ #5 เมื่อ: 09 ตุลาคม 2007 »

หนางเอ๊ย
อ้ายคือรถจิ๊บเฒ่า จอดเซาข้างคอกไก่
จำนำกะบ่ได้ ขายกะบ่ออก ดอกกะบ่ได้
เลยจอดไว้ เฮ็ดค่างบักหอือ ซั่นแหลว

อ้ายเอ๋ย
อ้ายคือรถจิ๊บเฒ่า จอดเซา กะไคอยู่
น้องนี่ตี๋ คือปลาทู แม่ค้า ตกค้างบ่ได้ขาย
คนบายขึ้น บายลง แล้วกะว่า
พวกแม่ค้า เอาปลาเน่ามาขาย ซั่นแล้ว
บันทึกการเข้า

ผมเป็นชาวนานะครับ
วิริเยน
VIP Member
Hero Member
*****

จิตพิสัย: 59
ออฟไลน์ ออฟไลน์

กระทู้: 1,144

15 หยกๆ


« ตอบ #6 เมื่อ: 09 ตุลาคม 2007 »

ขอบคุณครับ.
บันทึกการเข้า
nooknick
บุคคลทั่วไป
« ตอบ #7 เมื่อ: 17 ตุลาคม 2007 »

DDDDDDDDDDDDDDDDD  Afro และ D อีหลี อีหลอ กะด้อ กะเดี้ย  ...... แม่นบ่ พี่น้องหมู่เฮา แม่เอาบองปะโอน.. Grin 
บันทึกการเข้า
อู๊ด โคจร
VIP Member
สมาชิกรุ่นบุกเบิก
*****

จิตพิสัย: 146
ออฟไลน์ ออฟไลน์

เพศ: ชาย
กระทู้: 4,195


คนลำ'มาศ พลัดถิ่น (You'll never drunk alone)


« ตอบ #8 เมื่อ: 17 ตุลาคม 2007 »

DDDDDDDDDDDDDDDDD  Afro และ D อีหลี อีหลอ กะด้อ กะเดี้ย  ...... แม่นบ่ พี่น้องหมู่เฮา แม่เอาบองปะโอน.. Grin 
บ้าดดด
พี่น้องบองปะโอนโกนเจาแมะเอายายตา
 Grin Grin Grin Grin Grin Grin Grin Grin Grin Grin
บันทึกการเข้า

คนอีสานบ่ลืมถิ่น กินข้าวเหนียวใช้มือ
konmeangnong
ไก่อ่อน
สมาชิกบ้านออนซอน
*

จิตพิสัย: 0
ออฟไลน์ ออฟไลน์

เพศ: ชาย
กระทู้: 15

14


เว็บไซต์
« ตอบ #9 เมื่อ: 18 กุมภาพันธ์ 2009 »

เยี่ยม
บันทึกการเข้า

หนุ่มน้อยร้อยอารมณ์
หน้า: [1]   ขึ้นบน
  พิมพ์  
 
กระโดดไป:  

Rss
Powered by SMF 1.1.16 | SMF © 2006-2009, Simple Machines

www.onsorn.com
OnsOrN 2010 Theme Design By KaDo Theme Edit By NyOAT